H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期三, 6月 16, 2004

6-16(wed) 奧運六星…延續篇

前日講o個個奧運show, 因為無線無啦啦重播, 我又睇多一次! 重點就當然係睇 “奧運六星”part啦! 真係好好睇…好睇在好笑呀嘛! o個個高威利真係…唔該晒!

跟住睇到呀戴辛蔚要同埋一班“o靚仔o靚妹”新人歌手一齊懶有青春活力咁表演一個項目, 真係戥佢可憐! 雖然佢都算係“新人歌手”, 但畢竟o個d咩sky, 鄭融, 戴夢夢, don等, 個個都係得o個10 o靚歲…而佢都有成“26歲”啦 (佢自己claim, 實則佢幾多歲, 人人都知啦), 係咪?! 係除o左呀劉浩龍同佢差唔多大囉! 不過人o地劉浩龍都叫做“苦盡甘來”, 新碟幾受歡迎呀…但係佢就…!

下個禮拜一終於有兩套新劇上, 仲要兩套都好似幾ok喎…尤其係9:30 o個套“隔世追兇”, 相信會幾好睇! 不嬲都好buy呢種懸疑+時空交錯o既劇種! 大家記住留意!

另外o個套懶溫情o既都應該ok o既, 但係佢段宣傳片裏面馬德鐘同宣萱唱o個隻改裝版“do re mi”,就真係恐怖到我每次聽都會打幾個冷震…唔該佢o係套劇裏面千祈唔好再唱呀!