1-25(sun) 左倫右李

踏入猴年所得到o既4天長假, 完全無做過d咩特別有意思o既o野, 只係不停咁食呀, 呀, 煲帶呀…就係咁多…新年從來都係咁無聊! 不過可以每日到成5,6點先起身, 確係偷得浮生半日閒o既!

要數最精彩o既節目, 相信都離唔開赤口o個日去睇o既“左倫右李”演唱會! 半年前o岩o岩o係英國返o黎o既第2日, 就係特登撲飛去睇“左倫右李part2”, 估唔到咁快就半年…轉眼間又係“左倫右李”revival o既時候!

雖然上年新年我好dum心咁無機會親身去睇“左倫右李”演唱會, 但係返o黎之後已經即刻睇番錄影帶…又果然係所有o野都係第1次做最好睇o既, 到part2時已經跌o左少少watt! 加上睇呢d咁開心o既演唱會都係新年最有氣氛, 而佢o地d紅紅綠綠o既歌衫亦都係專為新年製造!

今年初3去睇呢個“左倫右李”第3次演唱會, 就更加比唔上同日o係電視度播o既“part1”…因為佢o地可能好想話俾大家知今次係一d全新o既o野, 所以揀o既歌亦大部份係一d上次無唱過o既歌…即係無大hit過o既歌! 連o個d“連阿叔都讚好”呀,“留鬚期”o既“依依不捨”呀, 廟街孖兄弟o個隻插曲呀, 全部2,3線o既歌都唱晒…李克勤o個d我都勉強知道係咩歌, 但係阿倫o個d我就真係聽都未聽過!

都話如果我早出世4,5年, 咁勉強都可以屬於“譚梅張”o既80年代; 但係依家嚴格o黎講我諗我都係屬於“4大天王”o既年代…又或者最準確應該係80年代尾o既“雙勤/芹”年代 (有無個咁o既年代呢? 我諗1年咁大把都有o卦?)…所以我o地呢d絕對係聽克勤o既歌大o既小朋友! 學朋友話齋, 李克勤淨係靠呢d舊歌都夠養佢一世啦! 事實又的確係咁…佢不停咁食佢o既老本都可以令佢連續o係4年o既新年開演唱會, 賺個“盆滿砵滿”; 仲奇蹟地令當年霉到連碟都無得出o既佢鹹魚翻生, 成為呢幾年o黎d碟最賣錢o既歌手, 仲連續兩年拿埋最受歡迎男歌手添…佢d老本又真係幾好食o既…而佢d舊歌又的確係百聽不厭o既!

佢o地兩個就精啦, 年年都o係新年開演唱會, 明知d人一定會派利是俾佢o地…阿倫仲抵死度掛個核突“利是袋”o係身, 個樣好低能…不過咁就可以額外賺多一大筆, 又何樂而不為呢?

雖然佢o地今次d歌無咁好聽, d舞又無咁好睇, d棟篤笑又完全唔好笑, 成個節目編排亦都無咁好, 仲要無啦啦迫大家聽梁榮忠高歌一曲 (情況就好似o係“張氏兄弟演唱會”度有一part要迫住聽劉美娟高歌一曲咁!)…係全隻咁多…仲要佢出場o既時間一次比一次多, 已經去到毫無驚喜兼睇到悶o既地步! 唔該下次李克勤演唱會唔好再附送梁榮忠得唔得呀?! 不過佢兩個搞氣氛又確係比起其他歌手好好多o既, 起碼10句笑話都有1句好笑…好過o個d容祖兒呀, twins呀, 照背台詞都聽到你毛管“動”, 寧願佢o地好似王菲咁唔講o野好過喇!

其實新年睇克勤+校長又的確係最適合o既, 所以我覺得紅館以後應該hold起新年檔期, 唔俾其他人搞演唱會, 淨係俾佢兩個做!