H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期二, 1月 06, 2004

1-6(tues) 芳華絕代

o岩o岩睇完今集“香江花月夜”…估唔到咁快已經出o左“不必喇!”…我仲以為要等到套劇中至尾段添! 頭先睇片頭見到又係由吳君如做“主角的情敵”…其實佢當其時個look都幾恐怖, 同“儂本當情”個造型差唔多…唔知點解o個期成日都搵佢做呢d角色…我覺得有點兒欠缺說服力囉!

前晚本來o係食飯o個間酒樓都有播緊無線, 但係就細聲到聽唔到咁滯, 仲要同時播埋其他音樂, 搞到我都聽唔到梅姐特輯裏面d人講咩, 好不滿呀…於是食完即刻急急腳趕番屋企睇電視! 但係我依家終於明白點解要咁喇, 因為睇呢d節目絕對影響食慾, 仲播埋聲肯定d人客無晒胃口…趕客之舉!

其實我覺得kelly同阿梅姐有d 9唔搭8囉, 雖然真係好傷心咁喊晒, 又懶係話後期因為各自為對方演唱會做嘉寳而熟o左d, 但係都唔見得好有“啦間”囉! 仲要kelly講埋d o野都好9唔搭8, 一d都唔感人…我覺得呢d同“主角”唔係有太大關係o既嘉賓, 真係唔請好過請! 反而羅君左講o個段說話就幾有意思同埋感人!

今次呢個特輯真係請o左一d同梅姐熟o既朋友上o黎分享, 比起上次請o個堆季選得獎歌手上去紀念哥哥o黎得有意義百倍! 起碼唔洗等d“無o黎啦間”o既人夾硬“jit”d眼淚出o黎, 佢又辛苦, d觀眾又睇得辛苦!

不過我想問, 梅姐其中一個徒弟阿譚耀文去o左邊呢? 點解好似失o左蹤咁, 呢幾日都無見佢出現過? 即使佢同其他“師兄弟”唔再好似以前咁friend, 但點都係佢師傅呀…點解會o係呢d時候人間蒸發o左o架?

而佢另外一個徒弟阿蔡一傑先生, 真係好好好恐怖囉…好彩無線前晚無請佢上去, 如果唔係佢又唔知做d咩怪行為?! 尋晚節目臨結束前播番梅姐死前o個個特輯, 上次播雖然有睇, 但無好認真咁去睇…今次特登剪番o個part係叫d嘉賓每人輪流對梅姐說出心底話, 仲話一係可以靜雞雞講, 又或者對咪大聲講! 其他人個個都選擇同梅姐耳語, 但佢偏偏就要對咪大聲講; 咁都唔緊要, 佢一路講d咩:“無論幾時, 你有咩需要我都會o係你身邊!”之類o既說話, 一路就只係對住個鏡頭, 梅姐望住佢, 但佢就一眼都無望番阿梅姐…我好懷疑佢其實係同緊觀眾講o野定同佢師傅講o野囉…完全唔知佢想點?! 真係好特別…!