12-21(sun) 2003十大中文金曲 (中)

(...cont.)

相比起上年, 今年個“十大中文金曲”show一d都唔grand…雖然一開場有“女子12樂坊”演奏“中文金曲”o既主題音樂…但我一見到佢o地只係諗起“草剪剛”! 跟住又一貫地搵埋d九唔搭八o既政客呀, 高官呀, 運動員呀o黎頒獎…!

D賽果就有一部份係完全估到o個隻 (好似o個d“飛躍大獎”或者"4台聯頒卓越表現獎”咁…一定係twins拖阿詩再拖關心妍), 有一d又真係完全估佢唔到…好似居然方力申可以入到一首金曲 (仲要係o係真係只有10首金曲o既情況下)…雖然“好心好報”係幾好聽 (我指佢同stephy o既合唱版, 但係佢依家得獎o個首獨唱版其實只係一般), 但係未至於hit到可以拿獎…仲要以佢o既地位, 真係完全唔expect港台會頒俾佢…反而連o個d安仔呀, kelly呀, 都無獎拿喎! Kelly 就仲慘, 出席埋但係幾乎食白果 (雖然我都真係好唔鍾意聽佢d歌)…可能港台今次真係要o係“舞影行動”之後顯示俾ICAC睇佢o地有幾咁“大公無私”o卦…我真係唔知?!

一如所料, o係個個一線歌星都唔出席o既情況之下, 克勤當然會成為大贏家! o係好多人都拿唔到金曲之際佢居然有1首半, 同上年一樣…真係人行起運o黎無o野好講! 終於明白點解阿倫會走o黎做司儀, 事關可以令“左倫右李”呢d咁“好聽”o既歌都入到金曲…真係由2003紅到2004! 可惜佢o既出現都唔可以一如以往咁令佢d“E”系全部唔唱得仲超怪雞o既歌星如EO2, E-KIDS, TIFFANY & BOBO分到一個半個豬肉獎!

又無埋舊年“氣勢如雄”(點寫o架?) o既“聖誕有人”同埋“邪不能勝正”, 真係yim悶!

今年真係名符其實o既“聖誕無人”囉!

好明顯今年真係進入o左一個“改朝換代”o既局面…我o地所屬於o既90年代樂壇已經真真正正咁結束o左…取而代之o既係一班o係阿麟拿最受歡迎男歌手獎時先o岩o岩出世,“四大天王”爭崩頭o既年代先o岩o岩入小學o既“小朋友”! 無錯…呢個世界確係要變o既…唔可以成日都停滯不前, 唔可以好似我o咁成日“懷緬過去”! 不過, 我想講, 全個頒獎禮最好睇, d歌最動聽o既一部份…的確係salute to林振強o個part, d 80年代歌手唱番一首又一首80年代o既hit歌…可惜呢part太短喇, 到喉唔到肺! 最好第時可以搞一個80年代演唱會, 齋唱80年代o既歌…咁就正喇! 一係我o地由卡拉ok開始呀, 以後去唱k只可以唱80年代o既歌曲…咁我相信以後會無人肯再同我去唱k囉!

(cont.)