12-17(wed) 聖誕有人

又到聖誕, 又到聖誕…又到聖誕你估我會諗起邊個呢? 答案係Juno! 哈哈…因為呢排去唱k, 唱開d應節歌, 就諗起佢舊年o個隻“(聖誕)有人”, 舊年佢明明氣勢如雄, 好多勁歌o架嘛? 又“愛上殺手”, 又“奧瑪”, 又“大風吹”…點解今年連影都無埋? 真係因為一個ICAC“舞影行動”?!

臨近聖誕當然又會唱o下“曲奇聖誕歌”啦…但係一年後o既Cookies已經人面全非, 真係戥佢o地可憐! 其實佢o地d歌都幾有趣呀…我o地呢d人老心不老o既人…係鍾意聽o下d小朋友歌仔o架喇! 睇番d舊錄影帶, 發現原來早o係“心急人上”o既時候, 已經由依家Mini Cookies o個4餅企最前位置, 仲有得獨唱幾句添…原來早o係Cookies o岩o岩組成o既時候, 已經分定大細, 決定晒要foul邊d出o黎…真係“早有玄機”…唔睇番都唔知添! 仲有, 我想話呀Stephy一年前後個look都真係變化好大, 成個樣都唔同晒…無o左個小丸子髮型, 成個人肥o左, 不過又靚o左喎! 另外呀Miki都唔同晒, 原來髮型真係好影響一個人; 依家4個齋睇個樣, 反而最靚係佢!

仲有仲有呀, 前幾日o係電台聽到首“絕望的笑容”o既“改裝版”…即同一個旋律但唔同晒歌詞, 不過仍然係華仔唱o既…我想問係咪今年o既新version o黎o既呢? 定係不嬲都有o既呢? 相信就應該唔係國語版我聽錯以為佢唱緊廣東話囉…獎門人, 呵?! 我雖然國語唔係咁靈光, 但都未至於連佢唱緊廣東話定國語都分唔出o既…我都有睇利嘉儀o架嘛!