11-15(sat) 穿梭夢裡人

頭先一返到屋企開電視, 居然聽到“每天愛你多一些”, 以為依家連禮拜6晚都播埋“翡翠音樂幹線”, 再睇真d原來係張學友個“穿梭夢裡人” 音樂特輯…嘩, 係我最鍾意o既91年出品…雖然呢個特輯已經睇過n次, 但係10幾年後再睇番, 又別有一番風味…尤其係我呢d咁尋迷於舊電視節目o既人…o岩晒!

o個個年代d歌真係特別好 (襟) 聽, 仲要好有80年代尾, 90年代初o既情懷…令人不禁諗番起初中o既無憂無慮寫意生活…可惜呢d日子已經不復再!

記得呢個特輯係91年9月首播o既 (又話我個腦唔知用o黎記埋d咩囉…基本上除o左書本上o既知識, 其他o野我真係好好記性o架喎, 唔想記o個d都記埋…尤其係關於電視o既o野…唔係點qualify做電視精呀?!)…當時我o岩o岩升上F1, 一切都好新鮮, 好好玩, 好自由, 好悠閒…總之就係好開心啦…相比起依家連想休息o下都無時間o既日子, 實在係太太太令人懷念喇!

可惜我返到屋企時, 呢個特輯已經做o左一半, o徙晒!!! 唔該阿無線下次重播呢d咁經典o既節目之前…通知聲我o地呢d超級擁蠆嘛!

本來想講o下“友情相關照梅姐慘情演唱會” (個cast令我諗起以前每年呢個時間會做o既“翡翠歌星賀台慶”) , 不過都係唔好講喇, 費事愈講愈唔開心…總之一句講晒:“睇到我好心o翕” !