H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期五, 8月 15, 2003

8-15(fri) 錯愛的呼喚

極力推介早前推介過o既“17歲”…不過今次係隻歌o既mv!



o岩o岩o係“翡翠音樂幹線”第1次睇到呢個無線版mv, 真係好精彩! tvb都真係好俾面阿華哥…隻歌一開始就剪番佢考入藝訓班o既片段, 跟住就係佢咁多年o係tvb演出o既精彩片段, 仲有好多經典劇集片段…由路人甲乙丙做到擔正主角 (嘩! 我想講…邵美琪當年o係“皇上保重”真係好靚…好細個睇o既時候已經咁覺得, 依家睇番都仲有同樣感覺…阿梁fing琪, 麻煩你行埋一邊!); 到佢唱到“29歲頒獎的晚宴…”, 又真係幫佢剪番 “90勁雞頒獎禮” o既片段, 仲有一路往後佢拿男歌手獎o既片段, 真係好目不暇給…要翻睇幾次先睇得晒…好彩我錄o左呢個節目o者! 我覺得tvb真係好落力囉, o徙咁多人力物力幫佢剪番一籮片段!



以為呢隻歌o係電台聽好聽, 點知原來o係電視睇…更加好睇! 簡直係劉華咁多年o黎最精彩o既mv…尤其對我呢d沉迷於懷緬過去o既人o黎講! o係印象中, 呢d剪輯多年電視片段而製成o既mv, 近年最深刻印象o既都係克勤o既“沒有你贏了世界又如何”喇…mv?面剪o左好多佢多年o黎o係tvb節目o既片段同埋佢同其他?中人影o既合照…好好睇!



(參加藝訓班試鏡時口窒窒o既劉華)

跟住又聽到另一隻gimmick歌 –“錯愛的呼喚”! 呢隻又係搞笑o既…擺明係諗住以6年前o既hit歌去搞搞綽頭! 咁都好o既, 有d話題嘛! 事關呢位“流住百事血”o既仁兄呢期o既人氣都好似幾唔掂?! 其實首歌本身都唔差o既, 再加埋中段又加插o左“愛的呼喚”o個段音樂, 但係變o左“誰輕輕叫喚~你”…第1次聽都忍唔住笑o左出o黎!

睇o黎呢兩位十多年前大紅o既天王, 仍然好懷緬自己o既光輝歲月…d新歌點都要link番去d經典舊歌度! 但係咁都好呀…至少我buy呀嘛! 懷緬過去呢d o野…always my cup of tea啦! 如果唔係我都唔會儲埋幾百餅舊錄影帶, 同埋廿年o黎o既聖誕&生日咭, 仲有由幼稚園開始o既全部舊書…通通我都唔捨得掉!

其實懷緬過去有咩問題喎…只要識得展望埋將來就得啦!