H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期一, 4月 07, 2003

4-7(mon) SALUTE TO A LEGEND (4)

從來都唔算得上係哥哥o既歌迷, 但作為一個“非典型電視精”, 一向都自以為對80-90年代o既所有歌曲都好熟悉; 但係到o左呢排真係聽番大量哥哥o既歌, 先發覺雖然全部都瑯瑯上口, 但係邊首歌係屬於邊年o既作品, 我大部份都撈到亂晒! 唔似得如果你問我“一起走過的日子” 係邊年o既歌, 我可以即刻答到你係91年…原來, 我o地呢個年紀o既人, 真正係屬於“四大天王”o既年代!

小時候o既我o係“譚張”之爭?面, 偏向校長o既一方; 最大o既原因係受到我d表哥表姐o既影響, 因為佢o地大部份都係支持校長多d o既! 而我作為一個幾歲o既細路, 亦都真係會被形象健康o既校長o既歌曲吸引到多d! 到我大個o左之後, 睇番哥哥同校長當年o既片段, 見到哥哥“型” 成咁…不期然再問番自己, 如果俾我再揀多次, 我會鍾意邊個多d呢? 經過一番思考, 我諗…如果俾我再揀多次…我o既答案都會係一樣! 因為作為一個細路仔, 相信都會欣賞親切o既校長多d; 不過今日長大o左o既我, 亦不得不承認哥哥o既“有型”, 確係會比阿倫伯吸引好多o既!

尋晚o既“金像獎頒獎典禮”, o係一開頭o個part, 撮合番90年代o既四大天王o黎合唱一曲“當年情”o黎悼念哥哥; 雖然只係得呢一小部份, 但我覺得反而係恰到好處, 唔會失去o左頒獎禮o既真正意義! 不過我唔明在點解要佢o地清唱囉…因為除o左張學友之外, 個個都唱到危危扶; 尤其係阿黎生, 佢一開口唱我就即刻諗番起佢91年“忘我大?演”o既經典走音片段, 真係戥佢“危”! 佢個樣仲要超級衰老 (連o係酒樓食飯o既隔離?c-lai都係咁講), 最慘係事實佢居然係四大天王之中最年輕o既一個…可惜!“今生無悔”o既“程朗”去o左邊呀?!

成個頒獎禮最感動o個part要數一開場曾志偉o既一番說話. 佢話:“最恐怖o既o野唔係任何o既惡疾, 而係自己心中o既恐懼同埋驚慌”…真係講得好o岩! 仲有就係今次頒獎禮少o左好多無無聊聊o既笑位, 簡簡單單, 亦都不失嚴肅; 所以今次頒獎禮可以話係我覺得睇得舒服, 最恰到好處的一屆, 值得一讚!

總好過前兩日無線o個個慳水慳力o既所謂 “追憶張國榮show”, 只係求其搵番同日出席完季選o個班歌星o黎順手做埋呢個show! 除o左陳慧琳似乎真係有d傷心之外, 其他人就真係假o左d囉…唔該唔好扮傷感! 嘩! 最頂唔順係阿盧巧音, 佢唱歌真係走晒音, 仲學人話係實力派…我想話: 佢連偶像派o既standard都未到, 簡直破壞晒成首歌! 人o地TWINS兩個妹妹仔依家都愈唱愈好, 好過佢10倍呀!

好彩如我所料, 我最鍾意聽o既“儂本多情” 揀o左由克勤o黎演繹, at least無破壞晒隻歌; 不過佢確係唱唔出好似哥哥o個種不?o既味道! 至於阿陳醫生, 唱o既“不?的風” 亦都唔錯; 佢自claim係一個“電視精”, 成日可以o翕得出第幾屆十大勁歌又點點點…確係並非浪得虛名! 所以唔好淨係話我睇電視去到一個瘋狂o既程度, 其實o係呢個世界上這種人多的是!

反而亞視o既悼念張國榮比較精彩, 前日睇佢重播大約5年前由林建明主持o既“星夜傾情”, o個集請o左哥哥上去做嘉賓, 佢仲叫埋張曼玉同梁家輝一齊上去! 估唔到呢個特輯咁好睇, 雖然我pretty sure我當年係有睇過o既; 但個感覺好唔同…原來哥哥真係有佢o既幽默感, 仲係幾搞笑o個隻; 一路睇呢個節目, 我真係不自覺咁笑o左出o黎好幾次, 可能佢同佢呢兩個friend一齊真係可以起到一定o既chemical reaction!

o係佢o既談話中, 發覺哥哥對佢o既父母真係有d怨恨, 關係真係好疏離! 有一part我覺得幾抵死(其實應該係“戥”佢欷虛) - 佢話同佢阿媽係唔熟到阿媽去佢屋企時, 會客氣到問: “我可唔可以借你個廁所用o下?”?!?!?!!?!? 哥哥仲苦笑話, 即使梁家輝或者張曼玉去佢屋企, 都唔會咁問啦! 可見佢對佢媽媽真係有一定o既“怨恨”o係度!

仲有呀, 亞視會由今日起重播“甜甜廿四味”, 我之前咪話過想買呢套劇o既vcd過英國睇o既…但係最終都無買到, 因為覺得唔係真係咁吸引! 我係鍾意睇呢類青春劇, 但記憶所及, 呢套劇都幾係悶o既, 所以最終放棄o左買佢過去…不過為o左懷念o下哥哥, 我都會錄o黎睇o下o既!