H-E-J-N-O-M <=> 芒姐再現之...舊日的足跡+英倫遊記

芒姐再現網址: "http://hejnom.blogspot.com/"... 前身為"芒姐.diaryland.com"

星期三, 12月 03, 2003

12-3(wed) 衝上雲霄

本來幾個禮拜前已經想講o下“衝上雲霄”, 但係一路未有時間…畢竟人o地都係台慶劇嘛, 總有些少睇頭, 加上今次個題材幾新鮮, 所以比起之前o個幾年o個d家族情仇戲吸引好多 (雖然睇到依家我都覺得有d悶喇)!

一開始係因為俾佢o既外景吸引, 雖然話旅遊特輯都有得睇, 但係台慶劇o黎講, 都算幾dum本, 去o左成3個地方拍外景…算係咁o架喇! 仲有吳鎮宇6年o黎首次回巢演出台慶劇, 都算有d新鮮感! 但係sorry囉, 佢同陳慧珊+馬德鐘 (依家再加埋胡杏兒) o個段糾纏不清o既3-4角戀真係愈睇愈煩, 佢唔係要拖拖拉拉搞足40集呀?! 你幾時先完呀? 今個禮拜吳鎮宇仲要扮幼稚搵阿Eason攞簽名…真係好攞膽! 所以我有時寧願睇o個堆後生仔段戲…起碼無咁煩, 又可以睇o下d“校園/學堂”戲, fresh少少囉…雖則成日睇埋d飛機戲, 睇到我都有d想嘔 (係真係想嘔, 事關大家都知我搭親飛機都會搭到想嘔o架啦!)!

另一賣點就係睇o下佢o個d爆笑“英文”戲, 直頭好笑過睇笑片! D女角全部英文都好掂, 又反而唔係太洗佢o地講一大段英文對白; 相反d英文好嚇人o既老/中/青男角們, 就紛紛要出醜人前, 我覺得監製擺明玩o野囉! 尤其係吳鎮宇, d英文對白多到幾乎以為佢o係套劇度唔識講中文…有好多場口其實唔係一定要用英文表達, 都逼佢一大段一大段咁o翕出o黎…最弊係我連睇埋字幕都真係唔知佢o翕緊咩, 真係恕我英文程度太低! 再加埋佢個出晒位o既雞冠頭…簡直係“潮爆”(時下香港o既slang…但其實我覺得呢個term幾怪雞!)…好明顯佢係得罪o左監製, 如果唔係都唔洗一舖過玩到佢咁盡! 佢之前o係電影圈建立o既“型”像, 都完完全全咁破壞晒…咩“無間道”咁, 簡直要行埋一邊…此謂千年道行一朝喪也!

仲有佢o個首“小學校際英文朗誦比賽”得獎作品“I AM AN L-PANE”…簡直笑到我死! 此英詩一出…周星馳都應該行埋一邊! 除o左佢同無線高層結怨好深之外, 我諗唔到有咩其他原因要玩得佢咁甘?!

0 Comments:

發佈留言

<< Home