11-20(wed) 台慶後記

o岩o岩上o左tvb網頁睇台慶結果…個結果都…ok正常o既! 係女主角俾o左陳慧珊有d意想不到囉, 加上我冇睇“絶世好爸”, 真係唔知佢做成點?! 不過, 佢一向都係差唔多, 冇咩大驚喜…但佢得獎又係皆大歡喜o既, 無咩人會唔鍾意佢, 因為佢真係好有觀眾緣; 所以, 我覺得呢個賽果我都滿意!

至於男主角, 正如我尋日所講, 係要又俾撈家攞…唔係話佢做得唔好, 但真係好悶囉, 都唔知第三定第四次, 可唔可以有第二個呀?

躍進男女演員更加無驚喜, 相信除o左我, 大家都一樣估中! 不過真係好想睇o下“絶世好爸”囉, 講到阿陳豪咁funny! 之前睇佢上“一觸即發—洛神版”, 都覺得佢原來幾搞笑…真係好想睇o下佢呢套有幾搞鬼喎?!

至於o個d咩最佳拍檔/組合, 居然俾o左黃子華同佢個“窿”, 真係聞所未聞…你唔好話俾阿李太同佢碟餸????? 真係怪事年年有! 至於“皆大歡喜” o個4個女人, 之前同同學仔discuss時, 都有戲言話佢o地個組合好受歡迎, 可能係佢o地攞…但估唔到真係咁騎呢!

又一輪咀咁report完個賽果, 真係o係香港時都冇咁落力; 可能真係因為你愈冇得睇, 就愈想睇!